Category Archives: Satellite

AGNI-5

ಅಗ್ನಿ5ರ ಉಡಾವಣೆ

ಒಡಿಶಾದ ಬಾಲಸೋರ್‌ನಿಂದ ಉಡಾಯಿಸಿದ ಅಣ್ವಸ್ತ್ರ ಸಿಡಿತಲೆಗಳನ್ನು ಹೊತ್ತೊಯ್ಯಬಲ್ಲ ಅತ್ಯಂತ ಶಕ್ತಿಶಾಲಿ ಖಂಡಾಂತರ ಕ್ಷಿಪಣಿ ‘ಅಗ್ನಿ–5’ರ ಪರೀಕ್ಷೆ ಯಶಸ್ವಿಯಾಗಿದೆ. ಅದು ಚೀನಾ ಸೇರಿದಂತೆ ಏಷ್ಯಾ ಖಂಡದಲ್ಲಿರುವ ಎಲ್ಲ ಗುರಿಗಳ ಮೇಲೆ ದಾಳಿ ಮಾಡುವ ಸಾಮರ್ಥ್ಯ ಹೊಂದಿದೆ. ಭಾರತೀಯ ರಕ್ಷಣಾ ಮತ್ತು ಸಂಶೋಧನಾ ಸಂಸ್ಥೆ (ಡಿಆರ್‌ಡಿಒ) ಅಭಿವೃದ್ಧಿಪಡಿಸಿರುವ, 5 ಸಾವಿರ ಕಿ.ಮೀ ವ್ಯಾಪ್ತಿಯಲ್ಲಿ ದಾಳಿ ಮಾಡುವ ಸಾಮರ್ಥ್ಯ ಹೊಂದಿರುವ ಈ ಕ್ಷಿಪಣಿಯ ಪರೀಕ್ಷೆಯನ್ನು ಒಡಿಶಾ ಕರಾವಳಿಯಲ್ಲಿರುವ ಅಬ್ದುಲ್‌ ಕಲಾಂ ದ್ವೀಪದಲ್ಲಿ ಸೋಮವಾರ ಯಶಸ್ವಿಯಾಗಿ ನಡೆಸಲಾಯಿತು. ‘ಅಗ್ನಿ–5’ರ ಯಶಸ್ವಿ ಪರೀಕ್ಷೆಯಿಂದ ಭಾರತದ ರಕ್ಷಣಾ ವ್ಯವಸ್ಥೆಗೆ ಇನ್ನಷ್ಟು ಬಲ ಬಂದಂತಾಗಿದೆ.

ಅಗ್ನಿ 5 ಸಾಮಾನ್ಯ ವಿವರ : ಖಂಡಾಂತರ ಕ್ಷಿಪಣಿ :

ಎತ್ತರ 17.5ಮೀ
ಅಗಲ 2 ಮೀ
ತೂಕ : 50 ಟನ್
ಅಣ್ವಸ್ತ್ರ ಸಿಡಿತಲೆ 1500 ಕೆಜಿ ಸಾಮರ್ಥ್ಯ
ಇಂಜಿನ್ 3 ಹಂತಗಳದ್ದು
ಸಿಡಿತಲೆ ಪರಮಾಣು ಅಸ್ತ್ರ ವಾಹಕ
ಸಿಡಿತಲೆ ತೂಕ 1,500 ಕಿಲೋಗ್ರಾಂಗಳಷ್ಟು (3,300 ಪೌಂಡು)
ವೆಚ್ಚ 50 ಕೋಟಿ (US $ 7 ಮಿಲಿಯನ್)
speed ವೇಗ 5-6 km/s ಕಿ.ಮೀ./ಸೆ.
ಎಂಜಿನ್ ಮೂರು ಹಂತದ ಘನ ಇಂಧನ
ಶ್ರೇಣಿಯ ಕಾರ್ಯಕ್ಷಮತೆ 5,000 ಕಿಲೋಮೀಟರ್ (3,100 ಮೈಲಿ) ವರೆಗೆ 8,000 ಕಿಲೋಮೀಟರ್ (5,000 ಮೈಲಿ)ದೂರ
ಸ್ಪೀಡ್ ಮ್ಯಾಕ್ 24 (ಟರ್ಮಿನಲ್ ಹಂತ)
ನಿಖರತೆ 10 ಮೀ. ಗೆ ಕಡಿಮೆ
ಲಾಂಚ್‍ ವೇದಿಕೆ 8 × 8 ಟಟ್ರಾ TEL ಮತ್ತು ರೈಲು ಮೊಬೈಲ್ ಲಾಂಚರ್

ಮೂರು ಹಂತಗಳ ಎಂಜಿನ್

ಮೂರು ಹಂತಗಳ ಎಂಜಿನ್‌ ಹೊಂದಿರುವ, ನೆಲದಿಂದ ನೆಲಕ್ಕೆ ಚಿಮ್ಮುವ ಕ್ಷಿಪಣಿಯನ್ನು ೨೬-೧೨-೨೦೧೬ ಸೋಮವಾರ ಬೆಳಿಗ್ಗೆ 11.05ರ ಸುಮಾರಿಗೆ ಇಂಟಗ್ರೇಟೆಡ್ ಟೆಸ್ಟ್‌ ರೇಂಜ್‌ನಲ್ಲಿ (ಐಟಿಆರ್‌) ಸಂಚಾರಿ ಉಡಾವಣಾ ವಾಹನದಿಂದ (ಮೊಬೈಲ್‌ ಲಾಂಚರ್‌) ಉಡಾವಣೆ ಮಾಡಲಾಯಿತು. ಉಡಾವಣಾ ವಾಹನದಲ್ಲಿ ಅಳವಡಿಸಲಾಗಿದ್ದ ಮುಚ್ಚಿದ ಕೊಳವೆಯ (ಕ್ಯಾನಿಸ್ಟರ್‌) ಮೂಲಕ ಕ್ಷಿಪಣಿಯನ್ನು ಉಡಾಯಿಸಲಾಯಿತು. ನಭಕ್ಕೆ ಚಿಮ್ಮಿದ ಕ್ಷಿಪಣಿಯು ನಿಗದಿ ಪಡಿಸಲಾಗಿದ್ದ ಎಲ್ಲ ಗುರಿಗಳನ್ನು ಯಾವುದೇ ಅಡೆ ತಡೆಗಳಿಲ್ಲದೆ ತಲುಪಿದೆ. ಇದು ಏಷ್ಯಾ, ಯುರೋಪ್ ಖಂಡಗಳ ಎಲ್ಲ ಗುರಿ ತಲುಪುವ ಸಾಮರ್ಥ್ಯ ಹೊಂದಿದೆ.

ವಾಹಕದಿಂದ ದಾಳಿ ನಡೆಸಬಹುದು

‘ಅಗ್ನಿ–5’ರ ಅಭಿವೃದ್ಧಿ ಹಂತದಲ್ಲಿ ನಡೆಸಲಾದ ನಾಲ್ಕನೇ ಪರೀಕ್ಷೆ ಇದು. ಕೊಳವೆಯ ಮೂಲಕ ನಡೆಸಿದ ಎರಡನೇ ಪರೀಕ್ಷೆ (ಉಡಾವಣಾ ವಾಹನದಲ್ಲಿ ಅಳವಡಿಸಲಾಗಿರುವ ಸಿಲಿಂಡರ್ ಆಕಾರದ ದೊಡ್ಡ ಕೊಳವೆಯಲ್ಲಿ ಕ್ಷಿಪಣಿ ಇಡಲಾಗುತ್ತದೆ. ಈ ವ್ಯವಸ್ಥೆಯಲ್ಲಿ ಅತ್ಯಂತ ಕಡಿಮೆ ಅವಧಿಯಲ್ಲಿ ಕ್ಷಿಪಣಿ ಉಡಾವಣೆಗೆ ಸಿದ್ಧತೆ ನಡೆಸಬಹುದು. ಕ್ಷಿಪಣಿ ಹೊತ್ತೊಯ್ಯುವ ವಾಹನ ಹೋಗುವ ಸ್ಥಳಗಳಿಂದಲೇ ಕ್ಷಿಪಣಿ ದಾಳಿ ನಡೆಸಬಹುದು).

ಅತ್ಯಾಧುನಿಕ ತಂತ್ರಜ್ಞಾನ

ಅಗ್ನಿ ಸರಣಿಯ ಕ್ಷಿಪಣಿಗಳಲ್ಲೇ ‘ಅಗ್ನಿ–5’ ಅತ್ಯಂತ ಅತ್ಯಾಧುನಿಕವಾದುದು. ಪಥದರ್ಶಕ, ಪಥ ನಿರ್ದೇಶನ ವ್ಯವಸ್ಥೆ, ಸಿಡಿತಲೆ ಮತ್ತು ಎಂಜಿನ್‌ ಅಭಿವೃದ್ಧಿಯಲ್ಲಿ ಹೊಸ ತಂತ್ರಜ್ಞಾನಗಳನ್ನು ಬಳಸಲಾಗಿದೆ. ಕ್ಷಿಪಣಿ ಪರೀಕ್ಷೆಯ ಸಂದರ್ಭದಲ್ಲಿ ದೇಶಿಯವಾಗಿ ಅಭಿವೃದ್ಧಿ ಪಡಿಸಿರುವ ಹಲವು ತಂತ್ರಜ್ಞಾನಗಳನ್ನೂ ಪರೀಕ್ಷಿಸಲಾಗಿದೆ. ಅತ್ಯಂತ ಹೆಚ್ಚು ನಿಖರವಾಗಿ ಗುರಿಯನ್ನು ತೋರಿಸುವ ರಿಂಗ್‌ ಲೇಸರ್‌ ಜೈರೊ ಬೇಸ್ಡ್‌ ಇನರ್ಷಿಯಲ್‌ ನೇವಿಗೇಷನ್‌ ಸಿಸ್ಟಮ್‌ (ಆರ್‌ಐಎನ್‌ಎಸ್) ಮತ್ತು ಅತ್ಯಾಧುನಿಕವಾದ ಸೂಕ್ಷ್ಮ ಪಥದರ್ಶಕ ವ್ಯವಸ್ಥೆಗಳನ್ನು (ಎಂಐಎಸ್‌ಎಸ್‌) ಕ್ಷಿಪಣಿಯಲ್ಲಿ ಅಳವಡಿಸಲಾಗಿದ್ದು, ಕ್ಷಿಪಣಿಯು ನಿಖರವಾಗಿ ಗುರಿ ತಲುಪಿಸುಯಲ್ಲಿ ಇವು ನೆರವಾಗಿವೆ. ಕ್ಷಿಪಣಿಯಲ್ಲಿದ್ದ ಅತಿ ವೇಗದ ಕಂಪ್ಯೂಟರ್‌ ಮತ್ತು ದೋಷಗಳನ್ನು ಸರಿಪಡಿಸಬಲ್ಲ ತಂತ್ರಾಶವು ಕ್ಷಿಪಣಿಯನ್ನು ನಿರ್ದಿಷ್ಟ ಗುರಿಯೆಡೆಗೆ ಸಾಗಿಸಿದೆ.

 

 

Satellite

ಭಾರತದ ಉಪಗ್ರಹಗಳು

ಉಪಗ್ರಹಗಳನ್ನು ನಿರ್ದಿಷ್ಟ ಕಕ್ಷೆಯಲ್ಲಿ ಕೂರಿಸಲು ರಾಕೆಟ್ ಉಡಾವಣಾ ವಾಹನಗಳನ್ನು ಬಳಸುತ್ತಾರೆ.

  • ಉಪಗ್ರಹಗಳನ್ನು ಉಡಾಯಿಸಲು ಎರಡು ರೀತಿಯ ಉಡಾವಣಾ ವಾಹನಗಳನ್ನು ಬಳಸುತ್ತದೆ
    ■. ಧ್ರುವ (ಪೋಲಾರ್) ಉಪಗ್ರಹ ಉಡಾವಣಾ ವಾಹನಗಳು (ಪಿ.ಎಸ್.ಎಲ್.ವಿ) ಮತ್ತು
    ■. ಭೂಸ್ಥಿರ ಕಕ್ಷಾ (ಜಿಯೊಸ್ಟೇಶನರಿ) ಉಪಗ್ರಹ ಉಡಾವಣಾ ವಾಹನಗಳು (ಜಿ.ಎಸ್.ಎಲ್.ವಿ).
  • .ಉಡಾವಣಾ ವಾಹನದ ಸಾಮರ್ಥ್ಯ :

    ಈ ಉಡಾವಣಾ ವಾಹನವೂ 620 ಕಿ. ಮೀ. ಸೂರ್ಯ ಸಮಕಾಲಿಕ ಧ್ರುವಿಯ ಕಕ್ಷೆಯಲ್ಲಿ (ಸನ್ ಸಿಂಕ್ರೊನಸ್ ಪೋಲಾರ್ ಆರ್ಬಿಟ್) 1600 ಕಿ. ಗ್ರಾಂ. ತೂಕದ ಉಪಗ್ರಹವನ್ನು ಮತ್ತು ಭೂ ಸಮಕಾಲಿಕ ವರ್ಗಾವಣೆ ಕಕ್ಷೆಯಲ್ಲಿ(ಜಿಯೋ ಸಿಂಕ್ರೊನಸ್ ಟ್ರಾನ್ಸ್ಫರ್ ಆರ್ಬಿಟ್) 1050 ಕಿ. ಗ್ರಾಂ. ತೂಕದ ಉಪಗ್ರಹವನ್ನು ಹೊತ್ತೊಯ್ಯುವ ಸಾಮರ್ಥ್ಯವನ್ನು ಹೊಂದಿದೆ.

  • .ಉಡಾವಣಾ ವಾಹನದ ಉದ್ದ:
    ಈ ವಾಹನದ ಉದ್ದ 44.4 ಮೀ. ಮತ್ತು ಉಡಾವಣೆಯ ತೂಕ 295 ಟನ್ ಗಳು
  •  ಉಡಾವಣಾ ಹಂತಗಳು :
    ■. ಬಹುಹಂತೀಯವಾಗಿ ನಿರ್ವಿುಸಲಾಗಿರುವ ಈ ವಾಹನವೂ ಮೇಲೇರುತ್ತಾ ಒಂದೊಂದೇ ಹಂತ ಉರಿಯುತ್ತ ಕಳಚಿಬೀಳುತ್ತ ಹೋಗುತ್ತದೆ. ವ್ಯೋಮನೌಕೆಯ ರೀತಿ ಇವುಗಳನ್ನು ಮರುಬಳಕೆ ಮಾಡಲಾಗುವುದಿಲ್ಲ.
    ■. ಈ ವಾಹನವೂ ಸರತಿ ಪ್ರಕಾರವಾಗಿ ನಾಲ್ಕು ಹಂತಗಳ ಘನ ಮತ್ತು ದ್ರವನೋದನ (ಪ್ರಾಪಲ್ಷನ್) ವ್ಯವಸ್ಥೆಯನ್ನು ಹೊಂದಿದೆ.
    ■. ಮೊದಲ ಹಂತವೂ ಪ್ರಪಂಚದಲ್ಲೇ ದೊಡ್ಡದಾದ ಘನನೋದಕ (ಪ್ರಾಪೆಲಂಟ್) ಬೂಸ್ಟರ್ ವ್ಯವಸ್ಥೆಯನ್ನು ಹೊಂದಿದೆ. ಇದು 139 ಟನ್ ನೋದಕವನ್ನು ತುಂಬುವ ಸಾಮರ್ಥ್ಯವನ್ನು ಹೊಂದಿದೆ.
  • .ಪಿ.ಎಸ್.ಎಲ್.ವಿ. ಉಡಾವಣಾ ವಾಹನದ ಮೈಲಿಗಲ್ಲುಗಳು :

1 – ಉಪಗ್ರಹದ ಹೆಸರು – ಐ.ಆರ್.ಎಸ್.-1ಇ
■. ಉಡಾವಣಾ ದಿನಾಂಕ – 20-09-1993
■. ಉಡಾವಣಾ ವಾಹನ- ಪಿ.ಎಸ್.ಎಲ್.ವಿ.-ಡಿ1

2 -ಉಪಗ್ರಹದ ಹೆಸರು – ಐ.ಆರ್.ಎಸ್.-ಪಿ2
■. ಉಡಾವಣಾ ದಿನಾಂಕ – 15-10-1994
■. ಉಡಾವಣಾ ವಾಹನ- ಪಿ.ಎಸ್.ಎಲ್.ವಿ.-ಡಿ2

3 -ಉಪಗ್ರಹದ ಹೆಸರು – ಐ.ಆರ್.ಎಸ್.-ಪಿ3
■. ಉಡಾವಣಾ ದಿನಾಂಕ – 21-03-1996
■. ಉಡಾವಣಾ ವಾಹನ- ಪಿ.ಎಸ್.ಎಲ್.ವಿ.-ಡಿ3

4 -ಉಪಗ್ರಹದ ಹೆಸರು – ಐ.ಆರ್.ಎಸ್.-1ಡಿ
■. ಉಡಾವಣಾ ದಿನಾಂಕ – 29-09-1997
■. ಉಡಾವಣಾ ವಾಹನ- ಪಿ.ಎಸ್.ಎಲ್.ವಿ.-ಸಿ1

5 -ಉಪಗ್ರಹದ ಹೆಸರು – ಓಶನ್ಸ್ಯಾಟ್ (ಐ.ಆರ್.ಎಸ್-ಪಿ.4), ಕಿಟ್ಸ್ಯಾಟ್-3, ಡಿಎಲ್ಆರ್-ಟಬ್ಸ್ಯಾಟ್
■. ಉಡಾವಣಾ ದಿನಾಂಕ – 26-05-1999
■. ಉಡಾವಣಾ ವಾಹನ- ಪಿ.ಎಸ್.ಎಲ್.ವಿ.-ಸಿ2

6 -ಉಪಗ್ರಹದ ಹೆಸರು – ಟೆಕ್ನಾಲಜಿ ಎಕ್ಸ್ಪರಿಮೆಂಟ್ ಸ್ಯಾಟ್ಲೈಟ್ (ಟಿ.ಇ.ಎಸ್.)
■. ಉಡಾವಣಾ ದಿನಾಂಕ – 22-10-2001
■. ಉಡಾವಣಾ ವಾಹನ- ಪಿ.ಎಸ್.ಎಲ್.ವಿ.-ಸಿ3

7 -ಉಪಗ್ರಹದ ಹೆಸರು – ಕಲ್ಪನಾ-1 (ಮೆಟ್ಸ್ಯಾಟ್)
■. ಉಡಾವಣಾ ದಿನಾಂಕ – 12-09-2002
■. ಉಡಾವಣಾ ವಾಹನ- ಪಿ.ಎಸ್.ಎಲ್.ವಿ.-ಸಿ4

8 -ಉಪಗ್ರಹದ ಹೆಸರು – ರಿಸೋರ್ಸ್ಸ್ಯಾಟ್-1 (ಐ.ಆರ್.ಎಸ್.-ಪಿ6)
■. ಉಡಾವಣಾ ದಿನಾಂಕ – 17-10-2003
■. ಉಡಾವಣಾ ವಾಹನ- ಪಿ.ಎಸ್.ಎಲ್.ವಿ.-ಸಿ5

9 -ಉಪಗ್ರಹದ ಹೆಸರು – ಕಾರ್ಟೋಸ್ಯಾಟ್-1, ಹ್ಯಾಮ್್ಯಾಟ್
■. ಉಡಾವಣಾ ದಿನಾಂಕ – 05-05-2005
■. ಉಡಾವಣಾ ವಾಹನ- ಪಿ.ಎಸ್.ಎಲ್.ವಿ.-ಸಿ6

10 -ಉಪಗ್ರಹದ ಹೆಸರು – ಕಾರ್ಟೋಸ್ಯಾಟ್-2, ಎಸ್.ಆರ್.ಇ.-1 ಇನ್ನೂ ಎರಡು ಇತರೆ ಉಪಗ್ರಹ
■. ಉಡಾವಣಾ ದಿನಾಂಕ – 10-01-2007
■. ಉಡಾವಣಾ ವಾಹನ- ಪಿ.ಎಸ್.ಎಲ್.ವಿ.-ಸಿ7

11 -ಉಪಗ್ರಹದ ಹೆಸರು – ಅಗಿಲೆ
■. ಉಡಾವಣಾ ದಿನಾಂಕ – 23-04-2007
■. ಉಡಾವಣಾ ವಾಹನ- ಪಿ.ಎಸ್.ಎಲ್.ವಿ.-ಸಿ8

12 -ಉಪಗ್ರಹದ ಹೆಸರು – ಟೆಕ್ಸಾರ್
■. ಉಡಾವಣಾ ದಿನಾಂಕ – 23-01-2008
■. ಉಡಾವಣಾ ವಾಹನ- ಪಿ.ಎಸ್.ಎಲ್.ವಿ.-ಸಿ10

13 -ಉಪಗ್ರಹದ ಹೆಸರು – ಕಾರ್ಟೋಸ್ಯಾಟ್-2ಎ, ಐ.ಎಮ್ಎಸ್.-1 ಮತ್ತು ಎಂಟು ನ್ಯಾನೋ ಉಪಗ್ರಹ
■. ಉಡಾವಣಾ ದಿನಾಂಕ – 28-04-2008
■. ಉಡಾವಣಾ ವಾಹನ- ಪಿ.ಎಸ್.ಎಲ್.ವಿ.-ಸಿ9

14 -ಉಪಗ್ರಹದ ಹೆಸರು – ಚಂದ್ರಯಾನ-1
■. ಉಡಾವಣಾ ದಿನಾಂಕ – 22-10-2008
■. ಉಡಾವಣಾ ವಾಹನ- ಪಿ.ಎಸ್.ಎಲ್.ವಿ.-ಸಿ11

15 -ಉಪಗ್ರಹದ ಹೆಸರು – ರಿಸ್ಯಾಟ್-2, ಅನುಸ್ಯಾಟ್
■. ಉಡಾವಣಾ ದಿನಾಂಕ – 20-04-2009
■. ಉಡಾವಣಾ ವಾಹನ- ಪಿ.ಎಸ್.ಎಲ್.ವಿ.-ಸಿ12

16 -ಉಪಗ್ರಹದ ಹೆಸರು – ಓಶನ್ಸ್ಯಾಟ್-2 (ಐ.ಆರ್.ಎಸ್.-ಪಿ4) ಮತ್ತು ಆರು ನ್ಯಾನೋ ಉಪಗ್ರಹ
■. ಉಡಾವಣಾ ದಿನಾಂಕ – 23-09-2009
■. ಉಡಾವಣಾ ವಾಹನ- ಪಿ.ಎಸ್.ಎಲ್.ವಿ.-ಸಿ14

17 -ಉಪಗ್ರಹದ ಹೆಸರು – ಕಾರ್ಟೋಸ್ಯಾಟ್-2ಬಿ ಇನ್ನೂ ನಾಲ್ಕು ಇತರೆ ಉಪಗ್ರಹ
■. ಉಡಾವಣಾ ದಿನಾಂಕ – 12-07-2010
■. ಉಡಾವಣಾ ವಾಹನ- ಪಿ.ಎಸ್.ಎಲ್.ವಿ.-ಸಿ15

18 -ಉಪಗ್ರಹದ ಹೆಸರು – ರಿಸೋರ್ಸ್ಸ್ಯಾಟ್-2, ಯೂಥ್ಸ್ಯಾಟ್ ಮತ್ತು ಎಕ್ಸ್ಸ್ಯಾಟ್
■. ಉಡಾವಣಾ ದಿನಾಂಕ – 20-04-2011
■. ಉಡಾವಣಾ ವಾಹನ- ಪಿ.ಎಸ್.ಎಲ್.ವಿ.-ಸಿ16

19 -ಉಪಗ್ರಹದ ಹೆಸರು – ಜಿಸ್ಯಾಟ್-12
■. ಉಡಾವಣಾ ದಿನಾಂಕ – 15-07-2011
■. ಉಡಾವಣಾ ವಾಹನ- ಪಿ.ಎಸ್.ಎಲ್.ವಿ.-ಸಿ17

20 -ಉಪಗ್ರಹದ ಹೆಸರು – ಮೆಗಾ ಟ್ರೊಪಿಕ್ಯೂಸ್, ಎಸ್.ಆರ್.ಎಮ್್ಯಾಟ್, ಜುಗ್ನು
■. ಉಡಾವಣಾ ದಿನಾಂಕ – 12-10-2011
■. ಉಡಾವಣಾ ವಾಹನ- ಪಿ.ಎಸ್.ಎಲ್.ವಿ.-ಸಿ18

21 -ಉಪಗ್ರಹದ ಹೆಸರು – ರಿಸ್ಯಾಟ್-1
■. ಉಡಾವಣಾ ದಿನಾಂಕ – 26-04-2012
■. ಉಡಾವಣಾ ವಾಹನ- ಪಿ.ಎಸ್.ಎಲ್.ವಿ.-ಸಿ19

22 -ಉಪಗ್ರಹದ ಹೆಸರು – ಸ್ಪಾಟ್-6 ಮತ್ತು ಪ್ರೋಯ್ಟರ್ಸ್
■. ಉಡಾವಣಾ ದಿನಾಂಕ – 09-09-2013
■. ಉಡಾವಣಾ ವಾಹನ- ಪಿ.ಎಸ್.ಎಲ್.ವಿ.-ಸಿ21

23 -ಉಪಗ್ರಹದ ಹೆಸರು – ಸರಳ್ ಮತ್ತು ಆರು ವಾಣಿಜ್ಯೋದ್ದೇಶ ಉಪಗ್ರಹಗಳು
■. ಉಡಾವಣಾ ದಿನಾಂಕ – 25-02-2013
■. ಉಡಾವಣಾ ವಾಹನ- ಪಿ.ಎಸ್.ಎಲ್.ವಿ.-ಸಿ20

24 -ಉಪಗ್ರಹದ ಹೆಸರು – ಐಆರ್ಎನ್ಎಸ್ಎಸ್
■. ಉಡಾವಣಾ ದಿನಾಂಕ – 01-07-2013
■. ಉಡಾವಣಾ ವಾಹನ- ಪಿ.ಎಸ್.ಎಲ್.ವಿ.-ಸಿ22

25 -ಉಪಗ್ರಹದ ಹೆಸರು – ಮಾರ್ಸ್ ಆರ್ಬಿಟರ್ ಮಿಷನ್ ಸ್ಪೇಸ್ಕ್ರಾಫ್ಟ್
(ಮಂಗಳ ಕಕ್ಷೆಗಾಮಿ ಗಗನನೌಕೆ)
■. ಉಡಾವಣಾ ದಿನಾಂಕ – 05-11-2013
■. ಉಡಾವಣಾ ವಾಹನ- ಪಿ.ಎಸ್.ಎಲ್.ವಿ.-ಸಿ25

26 -ಉಪಗ್ರಹದ ಹೆಸರು – ಐಆರ್ಎನ್ಎಸ್ಎಸ್ 1ಬಿ
■. ಉಡಾವಣಾ ದಿನಾಂಕ – 04-04-2014
■. ಉಡಾವಣಾ ವಾಹನ- ಪಿ.ಎಸ್.ಎಲ್.ವಿ.-ಸಿ24

27 -ಉಪಗ್ರಹದ ಹೆಸರು – ಐಆರ್ಎನ್ಎಸ್ಎಸ್ 1ಸಿ
■. ಉಡಾವಣಾ ದಿನಾಂಕ – 16-10-2014
■. ಉಡಾವಣಾ ವಾಹನ- ಪಿ.ಎಸ್.ಎಲ್.ವಿ.-ಸಿ26

28 -ಉಪಗ್ರಹದ ಹೆಸರು – ಐಆರ್ಎನ್ಎಸ್ಎಸ್ 1ಡಿ
■. ಉಡಾವಣಾ ದಿನಾಂಕ – 28-03-2015
■. ಉಡಾವಣಾ ವಾಹನ- ಪಿ.ಎಸ್.ಎಲ್.ವಿ.-ಸಿ27

IRNSS Satellite Program

ಐಆರ್ ಎನ್ ಎಸ್ ಎಸ್ – 1ಜಿ   

IRNSS: Indian Regional Navigation Satellite System

ಭಾರತದ ಮೊಟ್ಟಮೊದಲ ಪ್ರಾದೇಶಿಕ ದಿಕ್ಸೂಚಿ ಉಪಗ್ರಹದ ಐತಿಹಾಸಿಕ ಹಾಗೂ ಅಂತಿಮ  7 ನೇ ಉಪಗ್ರಹವನ್ನು ಭಾರತೀಯ ಬಾಹ್ಯಾಕಾಶ ಸಂಸ್ಥೆ ಇಸ್ರೋ ದಿನಾಂಕ 28.04.2016 ರಂದು ಗುರುವಾರ ಮದ್ಯಾಹ್ನ 12.50 ಕ್ಕೆ ಯಶಸ್ವಿಯಾಗಿ ಉಡಾವಣೆ ಮಾಡಿದೆ. ಭಾರತವು ಈ ಮೂಲಕ ಸ್ವಂತ ಜಿ.ಪಿ.ಎಸ್. ವ್ಯವಸ್ಥೆ ಅಳವಡಿಸಿಕೊಂಡಿರುವ 5 ನೇ ದೇಶವಾಗಿದೆ. ಇದರ ಸಂಪೂರ್ಣ ಕಾರ್ಯಾಚರಣೆ ಜೂನ್ ತಿಂಗಳಿನಿಂದ ಪ್ರಾರಂಭವಾಗುತ್ತದೆ. ಈಗಾಗಲೇ ಈ ಸರಣಿಗೆ ಸಂಬಂಧಿಸಿದಂತೆ 6 ಉಪಗ್ರಹಗಳನ್ನು ಕಕ್ಷೆಗೆ ಹಾರಿ ಬಿಡಲಾಗಿದೆ. ಈಗ ಕಕ್ಷೆಗೆ ಸೇರಿರುವ 7 ಉಪಗ್ರಹಗಳಲ್ಲಿ 3 ಉಪಗ್ರಹಗಳು ಭೂ ಸ್ಥಿರ ಕಕ್ಷೆಯಲ್ಲಿ ಇದ್ದರೆ ಇನ್ನೂ 4 ಉಪಗ್ರಹಗಳು ಭೂಮಿಯ ಪರಿಭ್ರಮಣೆ ಮಾಡುತ್ತವೆ. ಈ ಹೊಸ ದಿಕ್ಸೂಚಿ ವ್ಯವಸ್ಥೆಗೆ ನಾವಿಕ ಎಂದು ಹೆಸರು ಇಡಲಾಗಿದೆ.

ಉಡಾವಣೆ ಸ್ಥಳ:

IRNSS-1G ಉಪಗ್ರಹವನ್ನು ಶ್ರೀ ಹರಿಕೋಟಾದಿಂದ ದಿನಾಂಕ: 28.04.2016 ಗುರುವಾರ ಮದ್ಯಾಹ್ನ 12.50 ಕ್ಕೆ ಇಸ್ರೋದ ಪಿ.ಎಸ್.ಎಲ್.ವಿ ರಾಕೇಟ್ ಮೂಲಕ ಕೇವಲ 20 ನಿಮಿಷಗಳಲ್ಲಿ ಕಕ್ಷೆಗೆ ಸೇರಿಸಲಾಗಿದೆ.

ಉಪಗ್ರಹ ವಿನ್ಯಾಸ:

 IRNSS-1G ಉಪಗ್ರಹವು 1425 ಕೆ.ಜಿ. ತೂಕ ಮತ್ತು 44.4 ಮೀಟರ್ ಎತ್ತರವಿದೆ. ಇದರ ಜೀವಿತಾವಧಿ 12 ವರ್ಷ ಇರುತ್ತದೆ.ಈಗಾಗಲೇ ಐಆರ್ ಎನ್ ಎಸ್ ಎಸ್ ನ 6 ಉಪಗ್ರಹಗಳು ಭಾರತ ದೇಶವು ನಭಕ್ಕೆ ತಲುಪಿಸಿರುತ್ತದೆ, ಈಗ ಇದೇ ಸರಣಿಯ 7 ನೇ ಉಪಗ್ರಹವನ್ನು ಉಡಾವಣೆ ಮಾಡಿರುವದರಿಂದ ಇನ್ನಷ್ಟು ಸ್ಪಷ್ಟತೆ ಮತ್ತು ಮಾಹಿತಿ ದೊರಕುತ್ತದೆ. ಅಂದರೆ ಭೂಮಿಯ ಮೇಲಿನ 10 ಮೀಟರ್ ನಷ್ಟು ಚಿಕ್ಕ ಸ್ಥಳವನ್ನು ಸ್ಪಷ್ಟವಾಗಿ ಗುರುತಿಸಬಹುದಾಗಿದೆ ಆದರೆ ಈ ವ್ಯವಸ್ಥೆ ಜನಸಾಮಾನ್ಯರಿಗೆ ಲಭ್ಯವಿರುವದಿಲ್ಲ. ಜನಸಾಮಾನ್ಯರಿಗೆ ಭೂಮಿಯ ಮೇಲಿನ 20 ಮೀಟರ್ ನಷ್ಟು ಚಿಕ್ಕ ಸ್ಥಳವನ್ನು ಸ್ಪಸ್ಟವಾಗಿ ಗುರುತಿಸಲು ಇದು ಸಹಕಾರಿಯಾಗಲಿದೆ.

ಉಪಗ್ರಹದ ನಿಯಂತ್ರಣ :

ಈ ಉಪಗ್ರಹವನ್ನು ಕರ್ನಾಟಕದ ಬ್ಯಾಲ್ಯಾಳು ಇಸ್ರೋ ಕೇಂದ್ರದಿಂದ ನಿಯಂತ್ರಣ ಮಾಡಲಾಗುತ್ತದೆ. ಆದರೆ ದೇಶದ 21 ಕೇಂದ್ರಗಳಿಂದ ದತ್ತಾಂಶ ಸಂಗ್ರಹಿಸಲಾಗುತ್ತದೆ.

ಉಪಗ್ರಹದ ಉಪಯೋಗ:

ಜಿಪಿಎಸ್ ವ್ಯವಸ್ಥೆಯು ಭೂಮಿಯ ನಿರ್ದಿಷ್ಟ ಸ್ಥಳಗಳು ಅದಕ್ಕೆ ಸಂಬಂಧಿಸಿದ ಮಾಹಿತಿಗಳನ್ನು ಒದಗಿಸುತ್ತದೆ. ಇದರೊಂದಿಗೆ ನಿರ್ದಿಷ್ಟ ಸ್ಥಳ, ಮಾರ್ಗಗಳನ್ನು ಗುರುತಿಸಲು ಇದರಿಂದ ಅನುಕೂಲವಾಗಲಿದೆ. ಇದಲ್ಲದೆ ಹವಾಮಾನ ಮೂನ್ಸೂಚನೆ ಹಾಗೂ ಮಿಲಿಟರಿ ಚಟುವಟಿಕೆಗಳಿಗೆ ಇದು ನೆರವಾಗುತ್ತದೆ.

ತಗಲಿದ ವೆಚ್ಚ:

ಭಾರತವು ಈ ಯೋಜನೆಗೆ 1420 ಶತಕೋಟಿ ರೂಪಾಯಿಗಳ ಯೋಜನೆಯನ್ನು ಸಿದ್ದಪಡಿಸಿತ್ತು. 2010 ಎಪ್ರೀಲ್ ನಲ್ಲಿ ಯೋಜನೆ ರೂಪಗೊಂಡಿತ್ತು. ಇದರಿಂದ ಭಾರತವು ಸ್ವದೇಶೀ ನಿರ್ಮಿತ ಮಾರ್ಗದರ್ಶೀ ಹೊಂದಿರುವ ದೇಶ ಬ ಹೆಮ್ಮಗೆ ಪಾತ್ರವಾಗಲಿದೆ.

ಇಲ್ಲಿಯವರೆಗೆ ಐಆರ್ ಎನ್ ಎಸ್ ಎಸ್  (IRNSS) ಸರಣಿ ಉಪಗ್ರಹಗಳನ್ನು ಉಡಾವಣೆ ಮಾಡಿದ ದಿನಾಂಕಗಳು:

  1. ಐಆರ್ ಎನ್ ಎಸ್ ಎಸ್-1ಎ – 2013 ರ ಜುಲೈ 1
  2. ಐಆರ್ ಎನ್ ಎಸ್ ಎಸ್-1ಬಿ – 2014 ರ ಎಪ್ರೀಲ್ 4
  3. ಐಆರ್ ಎನ್ ಎಸ್ ಎಸ್-1ಸಿ – 2014 ಅಕ್ಟೋಬರ 16
  4. ಐಆರ್ ಎನ್ ಎಸ್ ಎಸ್-1ಡಿ – 2015 ಮಾರ್ಚ್ 28
  5. ಐಆರ್ ಎನ್ ಎಸ್ ಎಸ್-1ಇ – 2016 ಜನೇವರಿ 20
  6. ಐಆರ್ ಎನ್ ಎಸ್ ಎಸ್-1ಎಫ್ – 2016 ಮಾರ್ಚ್ 10
  7. ಐಆರ್ ಎನ್ ಎಸ್ ಎಸ್-1ಜಿ -2016 ಎಪ್ರೀಲ್ 28

ಭಾರತವು ಇಲ್ಲಿಯವರೆಗೆ ಜಿಪಿಎಸ್ ಗೆ ಅಮೇರಿಕದ ಮಾರ್ಗದರ್ಶಿ ಉಪಗ್ರಹವನ್ನು ಆಧರಿಸಿತ್ತು.

ಸ್ವದೇಶಿ ದಿಕ್ಸೂಚಿ ಹೊಂದಿರುವ ದೇಶಗಳು :

  1. ಜಿ.ಪಿ.ಎಸ್. : ಅಮೇರಿಕ
  2. ಗ್ಲೋನಾಸ್ : ರಷ್ಯಾ
  3. ಗೆಲಲಿಯೋ : ಯೂರೋಪ
  4. ಬೈಡೆ: ಚೀನಾ
  5. ನಾವಿಕ್ : ಭಾರತ
%d bloggers like this: